Fan Club 主頁   古仔部落格主頁   Louis' Fans Sharing   古夫人信箱   Forum 聊天區   DV特製短片   DV新聞區   DV相片分享區   公告   
 Louis Koo's English Blog   Louis Koo's sina blog   
現在的時間是 週四 3月 28, 2024 7:35 pm




發表新文章 回覆主題  [ 1 篇文章 ] 
 第38屆香港國際電影節大使 古天樂(新MONDAY) 
發表人 內容

註冊時間: 週一 12月 23, 2013 1:47 pm
文章: 3
引用回覆
文章 第38屆香港國際電影節大使 古天樂(新MONDAY)
每年香港國際電影節都會邀請1位對香港影壇有影響力嘅演員擔任電影節大使,如劉德華、楊千嬅等,而今年就邀請古天樂出任大使。
繼續成為香港國際電影節media partner嘅《新Monday》,除咗為大家介紹今年有咩好戲睇之外,重同大使傾下偈。老土但認真,第1句問古仔做電影節大使有咩使命感?佢都好老土但認真咁答:「希望將最好嘅推介俾觀眾。」的確,觀眾真係需要好戲。

視野要更闊
古天樂主演嘅電影,過往都有參與香港國際電影節,上年有《毒戰》,今年有開幕電影《香港仔》,但第1次做電影節大使,對電影節有咩印象?「係個對外宣傳香港電影嘅活動。除咗做訪問,每年喺會展都有啲買家買片,出席呢啲活動,可以睇到外地買家對香港電影嘅反應同睇法,唔錯。」
作為香港電影業嘅一分子,其實古仔對香港電影嘅發展都好有期望。「近年有合拍片嘅出現,搞到觀眾有分野,我希望香港電影唔係單單為1個市場而存在,但首先我哋嘅技術要提升。(可以舉例嗎?)(沉思)你會見到香港偏重於某啲題材,好似警察、消防員等紀律部隊,反而黑社會嗰啲就少咗好多(賣唔到中國?)冇錯!我覺得香港電影嘅視野可以更加闊,拍多啲唔同類型嘅戲,好似《少年Pi的奇幻漂流》咁講下古仔……不過呢套戲嘅技術真係好高,就連非CG部分都係喺個室內水池度拍。所以香港電影想向外發展,製作技術真係要再推高一層。」

唔想做導演
古天樂出道20年,喺香港影壇位列一線,有冇諗過利用自己嘅影響力去為香港影壇做啲咩?「我好希望,都會認真諗諗可以為影壇做啲咩?其實香港電影要提升電腦特技、器材、廠房、技術人員培訓等等,並唔係話開間公司咁簡單,需要請一批專業嘅人返嚟訓練新人先得。因為技術,真係外國做得好。」
咁一直專注做幕前,又有冇諗過好似楊采妮、張家輝咁,試下做導演或者幕後?「執導應該唔會喇!(點解咁肯定?)我拍咁多戲,接觸過咁多導演,知道拍1部戲係要用鏡頭去講古仔,就好似你哋(指筆者)揸支筆寫嘢咁,有好多嘢要學同思考。所以,如果我要做導演,我會暫停所有工作去讀幾年書,或者用幾年時間諗清楚部戲點拍。我之所以咁肯定,因為我短時間之內都唔會有時間去做呢件事。」

今年必撐港戲
香港國際電影節每年都會為戲迷搜羅世界各地及各種類型嘅電影,揀戲睇呢一環係最頭痛,不過今年最開心係見到多咗好多有質素嘅香港電影出現,作為港人,首先要支持嘅,梗係港戲啦!

《香港仔》
導演:彭浩翔
演員:古天樂、梁詠琪、楊千嬅
簡介:放心,彭浩翔並冇轉型,橋段依舊抵死。今次彭導亦搞啲新意,講香港仔——1個粵語長片慘情世界嘅現代中產版。講述吳孟達一家三口,各人遇到嘅問題一齊湧現。其實成長傷痕難免,現實百孔千瘡,但人生就係咁。
圖檔

圖檔

圖檔


週五 2月 28, 2014 6:30 pm
個人資料
顯示文章 :  排序  
發表新文章 回覆主題  [ 1 篇文章 ] 


不能 在這個版面發表主題
不能 在這個版面回覆主題
不能 在這個版面編輯您的文章
不能 在這個版面刪除您的文章

搜尋:
前往 :  
cron
© 2006-2024 kootinlok.com 版權所有 不得轉載