最近興起一股雪糕熱潮，呢個品牌既雪糕唔係特別好味，只係因為佢係香港好多人既童年回憶，而我自己都不例外，今晚買左一盒薄荷朱古力味，一家三口安坐家中食下我既童年回憶，呢隻雪糕對好多人黎講既回憶可能係好開心，但對於我黎講唔知點形容呢種心情，記得呢隻雪糕喺以前黎講係好貴，唔係成日有得食，每次爸爸出糧就會買一盒一家人分享，但每一次都係買芸哩嗱味，但其實我最鐘意食既係薄荷朱古力味，每次都要就家姐既口味，所以每次都只係會食到芸哩嗱味，仲記得細個最後一次食呢隻雪糕既時候，係同爸爸，家姐，媽咪一齊去惠康買，但買完呢次之後，無幾耐媽咪已經離開左呢個屋企，一去不返，所以今晚我一邊食呢隻雪糕既時候，腦裡面就諗起呢個片段，但媽咪個樣已經好模糊了，我發現原來係不知不覺間，我已經唔再記得佢係點既樣。