古仔着大褸趕戲熱到暈　千嬅餐廳歎冷氣笑騎騎

【on.cc東網專訊】萬人迷古天樂（古仔）不停為電影趕工，晚上九時許古仔又與楊千嬅在中環為新片《五個小孩的校長》開工。劇情講述古仔拿着大紮鮮花往餐廳送給千嬅，在炎熱的晚上開工仍要穿上厚褸戲服，拍咗一陣已經滿頭大汗，見他拍完一個鏡頭後即除褸降溫。至於未需埋位的千嬅，則一直於餐廳內歎冷氣，還與工作人員有講有笑。

【見到都熱....】古仔披厚褸拍新戲 千嬅嘆菊花茶解渴

古天樂及楊千嬅今晚八點幾喺中上環九裕坊拍新戲，千嬅未埋位時，同工作人員有講有笑，仲邊嘆菊花茶；至於古仔就喺外面同監製陳木勝傾偈，好似傾下邊拍陣間場戲。

劇情講述古仔拎住紮花步入餐廳，入到餐廳內見到有人疑似帶位，而古仔呢場戲就共拍咗六take，而今日天氣酷熱，古仔身穿長袖衫拍攝，其中一個shot仲見佢披埋外套，都feel到佢有啲熱呀﹗