古天樂為煞停失控快艇被逼撞船

【on.cc東網專訊】藝人古天樂、余文樂、張孝全、元秋、姜皓文與導演林嶺東出席電影《迷城》記者會，古天樂透露日前拍攝一場快艇追逐戲時，快艇軚盤突然甩脫，被逼撞將快艇撞停：「我當時最擔心旁邊女主角佟麗婭嘅安全，好彩哋只係擦傷腳。」

而佟麗婭說：「在拍攝前古仔跟我講導演好惡。」古天樂即笑說：「我冇同你講過，導演咁好人，神經病。」佟麗婭即說：「可能是嚇我吧，其實導演是一個很可愛的小老頭。」余文樂即取笑她：「你昨天不是這樣說！」

林嶺東拍戲夠寫實 古仔、樂仔齊齊受傷

金像獎導演林嶺東，為自編自導嘅新片《迷城》喺尖沙嘴半島酒店舉行開鏡酒會，出席演員包括古天樂、余文樂、張孝全、佟麗婭、元秋、高捷、伍允龍同姜皓文等等。

林嶺東擅長拍寫實動作片，不乏飛車、爆炸場片，古仔笑言，今日喺現場播放導演過往嘅作品，唔睇畫面齋聽聲都知「呯呯嘭嘭」，好似今次《迷城》一樣，都係呯呯嘭嘭。

女主角佟麗婭喺台上玩踢爆，話古仔指導演好惡，吩咐佢小心，古仔喺現場聽到即刻講笑指罵佟麗婭，古仔話:「佢咁好人，你都神經病，我邊有講過!」之後佟麗婭解釋話只係自己緊張，見到導演就驚驚，而佢喺戲中要應付好多逃跑同被打戲，幸得兩位男主角保護，佢話古仔因為咁所以都受傷。

古仔噚日拍咗場揸快艇戲，險生嚴重意外，古仔喺台上用星爺腔解說:「我哋拍一場揸快艇嘅戲，架快艇好犀利，揸揸吓連軚盤都飛埋出嚟，要撞埋另一隻船度先至停，我同余文樂隻腳都傷咗。」古仔話喺一刹那嘅時間，而且女主角又喺艇上，比較擔心女仔嘅安全。

余文樂喺台上話久仰同導演合作，點知原來導演唔係拍打戲，係拍紀錄片，事關就連拍斬人用嘅假刀，導演都要換上真嘅開山刀嚟拍。首次同林嶺東合作嘅張孝全話:「首日拍攝原先用假刀，前一晚導演問用真刀好不好，我還以為開玩笑，真的嚇死我，幸好對手做足安全措施。」

另外，余文樂嘅媽咪今日入院動手術，樂仔回應:「多謝關心，冇乜特別，佢心臟有啲問題，應該啱啱做完手術，今晚要拍嘢，可能晏少少去睇佢。」

古天樂余文樂護花受傷

視頻地址
http://video3.mingpao.com/201407/ENT201 ... 40x360.mp4


古天樂、余文樂和內地演員佟麗婭今日出席電影《迷城》開鏡酒會，佟麗婭透露，在戲中有不少逃跑及被打的戲分，古天樂和余文樂為了保護她而不斷受傷；古天樂接受訪問時說：「弄損和擦傷而已。電影有頗多動作戲分，導演（林嶺東）要求的拍攝方法較真實，所以有些意外難以避免，但我們做足安全措施才拍攝。」
古天樂直言拍攝林嶺東的電影「很難不辛苦」，余文樂則稱一直崇拜林嶺東，但「合作之後，覺得幸好有古天樂在，我們可以分擔一下」。

最近有同事離職, 也有同事請長假, 所以工作增加, 沒辦法抽時間出來